Біз туралы

Мүмкіндіктерді дамытамыз. Дамуға қолдау көрсетеміз.Әлеуетін ашуға көмектесеміз.

Logoped Land — әр баланың жеке даму жолын түсінуден басталатын даму кеңістігі

Әрбір бала өзінше дамиды. Бір баланың алғашқы сөздері табиғи түрде ерте пайда болса, енді біріне уақыт, қолдау және дұрыс ұйымдастырылған жағдай қажет болады.

Logoped Land орталығында біздің мақсатымыз тек дыбысты қою немесе баланы жеке сөздерді қайталауға үйрету емес. Біз баланы тұтас тұлға ретінде көріп, қиындықтардың нақты себептерін анықтап, сөйлеуінің, қарым-қатынасының, ойлауының және дербестігінің табиғи дамуына жағдай жасауды көздейміз.

Біз әрбір дағдының негізінде өзара тығыз байланысқан сенсорлық, қимыл-қозғалыс, когнитивтік, эмоциялық және коммуникативтік процестер жатқанын жақсы түсінеміз.

Сондықтан біздің жұмыс дайын жаттығулар жиынтығынан емес, жан-жақты диагностикадан және баланың жеке қажеттіліктерін терең түсінуден басталады.

Біздің ұстанымымыз

Біз диагнозды емес, баланы көреміз

Әрбір ата-ананың маманға жүгінуінің артында ерекше өмірлік оқиға жатыр.

Бала сөйлемеуі мүмкін, сөйлеуді түсінуі қиындауы мүмкін, айналасындағылармен қарым-қатынас орната алмауы, ойында, назарында, қимыл-қозғалысында немесе сенсорлық ақпаратты өңдеуінде ерекшеліктер болуы мүмкін.

Біз бұл ерекшеліктердің әрқайсысын жеке емес, біртұтас жүйе ретінде қарастырамыз.

Біз үшін төмендегілерді анықтау маңызды:

• баланың қазіргі таңда не істей алатыны;
• қандай дағдылары қалыптасу үстінде екені;
• қандай функцияларға қолдау қажет екені;
• баланың өз мүмкіндіктерін өздігінен пайдалануына не кедергі болып тұрғаны;
• әрі қарайғы дамуға тірек болатын күшті жақтары.

Біз баланың сақталған мүмкіндіктерін анықтап, оларды жеке дамыту бағдарламасының негізі ретінде қолданамыз.

Дамуға кешенді көзқарас

Жұмысымызда логопедия, дефектология, нейропсихология, ерте балалар дамуы және сенсорлық интеграция салаларындағы заманауи ғылыми білімдерді біріктіреміз.

Баланың қажеттілігіне қарай келесі бағыттарды қолданамыз:

Логопедия және дефектология

Сөйлеуді, тіл түсінуін, коммуникацияны, танымдық және оқу дағдыларын дамытуға бағытталған.

Нейропсихологиялық тәсіл

Жоғары психикалық функциялардың, зейіннің, есте сақтаудың, өзін-өзі реттеудің және әрекетті жоспарлаудың даму ерекшеліктерін анықтап, дамытуға мүмкіндік береді.

DIR/Floortime

Эмоциялық байланысты, бірлескен зейінді, қарым-қатынасты және баланың айналасындағылармен саналы өзара әрекеттесу қабілетін дамытуға көмектеседі.

RITM THERAPY

Көпжылдық тәжірибенің нәтижесінде әзірленген, әртүрлі даму ерекшелігі бар балалармен жұмыс істеуге арналған авторлық әдіс.

Сенсорлық және қимыл-қозғалыс жүйелерімен жұмыс

Жаңа дағдылардың қалыптасуына негіз болатын процестерді қолдап, олардың тиімді дамуына ықпал етеді.

Біз барлық балаларға бірдей дайын бағдарламаны қолданбаймыз.

Әрбір баланың көмек бағдарламасы диагностика нәтижелеріне, жасына, қазіргі мүмкіндіктеріне және қойылған мақсаттарына сәйкес жеке құрылады.

Біздің команда

Logoped Land — ортақ кәсіби құндылықтар мен өз ісіне деген сүйіспеншілікті біріктірген мамандар командасы.

Біз білімімізді үнемі жетілдіріп, заманауи әдістерді меңгереміз және баланың кез келген мінез-құлқының артында жатқан шынайы себептерді түсінуге ұмтыламыз.

Біздің командада әртүрлі бағыттағы мамандар жұмыс істейді. Бұл бізге баланың дамуын жан-жақты бағалап, кешенді көмек көрсетуге мүмкіндік береді.

Біз бірлесіп еңбек етіп, әрбір баланың өз әлеуетін толық ашуына көмектесеміз.

Біздің диагностикаға деген көзқарасымыз

Біз сапалы көмектің негізі – сапалы диагностика деп есептейміз.

Сондықтан түзету жұмысын бастамас бұрын баланың нені орындай алмайтынын анықтау ғана емес, ең алдымен:

Неліктен бұл дағды қалыптаспай жатыр? – деген сұраққа жауап іздейміз.

Біз тапсырманың нәтижесін ғана емес, баланың әрекет ету үдерісін де жан-жақты талдаймыз:

• сөйлеуді қалай түсінетінін;

• қарым-қатынасқа түсе алатынын;

• байланысты қалай бастайтынын және жалғастыратынын;

• қолындағы қарым-қатынас құралдарын қалай қолданатынын;

• өздігінен ойнай алатынын;

• әрекетті қалай жоспарлап, аяқтайтынын;

• зейінін сақтап, бір әрекеттен екіншісіне ауыса алатынын;

• сенсорлық әсерлерге қалай жауап беретінін;

• дамуына әсер етуі мүмкін қимыл-қозғалыс және сенсорлық ерекшеліктерін;

• әрі қарайғы дамуға тірек болатын дағдыларын.

Осындай кешенді тәсіл қиындықтың сыртқы көрінісін ғана емес, оның негізгі механизмін анықтауға мүмкіндік береді.

Біз тек баламен ғана емес, отбасымен де жұмыс істейміз

Баланың дамуын оның күнделікті өмірінен бөліп қарауға болмайды.

Сондықтан біз ата-анамен серіктестік қарым-қатынас орнатуға ұмтыламыз.

Біз ата-аналарға баламен не болып жатқанын, белгілі бір қиындықтардың не себептен туындайтынын түсіндіріп, үй жағдайында сабақ нәтижесін қолдауға көмектесетін ұсыныстар береміз.

Біз үшін ата-ананың тек кеңес алып қана қоймай, өз баласын терең түсініп, оның дамуына белсенді қатысушы болуы маңызды.

Біздің мақсатымыз

Біздің мақсатымыз – баланы тек белгілі бір дағдыға үйрету ғана емес.

Біз оның өздігінен әрекет ете алуына, өз қалауы мен қажеттілігін жеткізе білуіне, айналасындағыларды түсінуіне, қарым-қатынас орнатуына, ойнауына, білім алуына және қоршаған әлемді біртіндеп танып-білуіне көмектесуді көздейміз.

Біз әр баланы қандай болса, сол күйінде қабылдайтын, оның жетістігін сезінуіне мүмкіндік беретін және алға қарай сенімді қадам жасауына қолдау көрсететін қауіпсіз әрі қолайлы орта құрамыз.

Мүмкіндіктерді дамытамыз. Дамуға қолдау көрсетеміз.Әлеуетін ашуға көмектесеміз.

Сертификаттар